Sociale

Kujdesi shëndetësor online, Shqipëria në fund të Europës. Eurostat publikon sondazhin

0

Eurostat ka publikuar së fundmi të dhënat për “Aktivitete në Internet” në lidhje me kujdesin shëndetësor. Këto të dhëna janë publikuar në formën e një ankete, ku bënë pjesë dhe Shqipëria. Kjo anketë përmban të dhëna për Shqipërinë për vitin 2018 sa i përket “Caktimeve të takimeve përmes një faqe interneti” dhe të dhëna për vitin 2019 përsa i përket “Kerkimit të informacionit shëndetësor”. Të dhënat për vitin 2020 për Shqipërinë nuk janë përditësuar ende.

Po të analizojmë të dhënat për “Përdorimin e internetit për të caktuar takim me një praktikues përmes një faqe në internet” për vitin 2018 vërejmë se vetëm 2% e individëve e kanë përdorur për këtë qëllim. Nëse do ta krahasonim me vendet e rajonit, shohim se Shqipëria renditet e parafundit, për të mos thëne e fundit me vetëm 2%. Serbia është ajo që kryeson listën, me 6%. Pas Serbisë vijon Mali i Zi me 4% dhe Kosova po me 4%.

Për vitin 2019, vetëm 33% e shqiptarëve kanë bërë një kërkim në rrjet në lidhje me informacion shëndetësor. Edhe në këtë rast Shqipëria renditet e parafundit duke lenë pas Bosnje Hercegovinën me 25%. Parë në planin rajonal përsëri në vend të parë renditet Serbia me mbi 50% e individëve. Pas Serbisë renditet Kosova dhe Maqedonia e Veriut, respektivisht 49% për Kosovën dhe 45% për Maqedoninë e Veriut. Të njëjtën përqindje gëzon edhe Mali i Zi.

*Material i përgatitur nga SCAN INTEL. Ripublikimi mund të bëhet vetëm kundrejt citimit të autorësisë dhe burimit origjinal.

Pandemia “motivon” të rinjtë, regjistrimet e studentëve në degët e mjekësisë rriten me 4.9%

Postimi mëparshëm

Si ka ndikuar pandemia në marrëdhënien e shqiptarëve me teknologjinë?

Postimi vijues

Comments

Comments are closed.