Financë

Rritje rekord e huasë për blerje banesash nga individët gjatë janarit, në rënie të ndjeshme për bizneset

0

Huatë e reja nga sistemi bankar gjatë muajit të parë të vitit kanë qenë 11.3 mld lekë, tregojnë shifrat zyrtare. Kjo shifër është më e ulët krahasuar me muajt paraardhës, gjë që është edhe efekt sezonal, duke qenë se janari nuk është aspak ndër muajt e preferuar për huamarrje. Por, nga ana tjetër, po ta krahasojmë me muajt janar të 5 viteve të kaluara, shifra e huave të reja gjatë 2021 rezulton të jetë më e ulta. Krahasuar me janarin e vitit paraardhës, huatë e reja regjistrohen në rënie me 15.9%. Kjo rënie duket se është rrjedhojë vetëm e sektorit privat. Huaja për koorporatata jofinanciare private ka prekur nivelin më të ulët gjatë këtij janari, krahasuar me 5 vitet paraardhëse, duke qëndruar në rreth 7.3 mld lekë, nga rreth 9.2 mld lekë që ishte janarin e vitit të kaluar, apo rreth 14.5 mld lekë që ishte në janarin e vitit 2018. Krahasuar me një vit më parë, rënia në këtë segment fiksohet në masën 20%, tregojnë shifrat zyrtare.

Jo e njëjta gjë mund të thuhet për individët. Kredia për individët shënon një rënie ndjeshëm më të lehtë gjatë janarit, krahasuar me një vit më parë, duke zbritur në rreth 4 mld lekë, nga rreth 4.1 mld që ishte. Shifra rezulton të jetë madje medhe më e lartë se niveli i vitit 2019, 2016 dhe 2017. Ajo që bie tjetër në sy sa i përket individëve është fakti se kredia për blerje banese në lekë gjatë janarit ka prekur nivelin më të lartë të 6 viteve të fundit, në rritje me plot 39% krahasuar me të njëjtën periudhë të një viti më parë. Edhe në euro, segmenti i kredisë për blerje banese regjistrohet në rritje në terma vjetorë, prej 9.6%, si dhe duke regjistruar shifrën e dytë më të lartë gjatë 6 viteve të fundit, pas janarit të vitit 2018. Te individët vihet re gjithashtu një rënie e ndjeshme e huamarrjes në formë overdrafti, në minimumin historik të 6 viteve, si ne euro, ashtu edhe në lek.

*Material i përgatitur nga SCAN INTEL. Ripublikimi mund të bëhet vetëm kundrejt citimit të autorësisë dhe burimit origjinal.

Shqipëria ndër të parat në Europë me moshën mesatare më të re të grave që bëhen nëna për herë të parë

Postimi mëparshëm

Kreditë, më të lira gjatë janarit. Bien normat mesatare të interesit, më me leverdi kredia për shtëpi, shtrenjtohet overdrafti

Postimi vijues

Comments

Comments are closed.