Studime

Pandemia nuk njeh ideologji! Studimi unik i “Scan Intelligence Unit”, lidhja mes krahut politik dhe menaxhimit të infeksionit

0

Pandemia ka qenë gjatë këtyre muajve dhe padiskutim që do të jetë përgjatë të gjithë jetëgjatësisë së saj, një gur beteje elektoral. Qeveritë do të marrin kostot apo meritat e menaxhimit të saj dhe opozitat do të kërkojnë të ngjiten në pushtet nëpërmjet shifrave të infektimeve apo situatës në tërësi. Por, a ka një korrelacion të drejtpërdrejtë mes krahut politik, pra ideologjisë, dhe menaxhimit të pandemisë deri më tani? “Scan Intelligence Unit” ka bërë një studim unik në llojin e tij, për të arritur në një përfundim konkret, duke analizuar të gjitha vendet e Europës sipas numrit të rasteve me infektim për 1 milionë banorë dhe krahut politik, majtas, qendër/koalicion i gjerë apo djathtas. Numri i rasteve për 1 milionë banorë është marrë në konsideratë si indikatori më i saktë për të treguar menaxhimin e krizës. Sipas të dhënave të përpunuara, rezulton se, nuk ka asnjë lidhje mes krahut politik dhe menaxhimit të krizës. Mesatarja europiane e shteteve të drejtuara nga qeveri të majta flet për rreth 17.800 raste për 1 milionë banorë, ndërsa mesatarja e vendeve të djathta, është lehtë më e ulët, në rreth 17.200 raste për 1 milionë banorë. Shtetet e qendrës apo ato ku qeveris një koalicion i përbërë ndërkohë, kanë një mesatare bindshëm më të ulët, pavarësisht se mes tyre gjendet edhe Italia, një prej vendeve simbol të pandemisë.

Po të shohim kreun e renditjes, pra vendet me më shumë raste infektimi për 1 milionë banorë, rezulton se ndër 10 të parat, 6 shtete janë të djathta, dhe 4 të majta, ndërkohë që edhe kreun e listës e mban një vend me qeveri të djathtë, siç është Belgjika, e cila ndiqet nga dy shtete me qeverisje të majtë; Çekia dhe Mali i Zi. Grafiku më poshtë ndërkohë tregon me detaje secilin shtet të Europës ( me përjashtim të shteteve me popullsi mjaft të vogël, si Monako, Andora, Lichtenstein, San Marino, Vatikan, Gjibraltar, Ishujt Faroe, Isle of Man ) sipas krahut politik dhe rasteve me covid-19 për 1 mln banorë. Vija në mes tregon një tendencë thuajse të papërfillshme të rënies së rasteve të infektimit kur qeverisja është e djathtë.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Credins vazhdon rritjen – Zgjeron aktivet me 14% në T3, rriten huatë dhe depozitat

Postimi mëparshëm

Inflacioni arrin në 2% – Perimet shtrenjtohen me 18.5% në një vit, frutat me 11.5%

Postimi vijues

Comments

Leave a reply

Adresa juaj email s’do të bëhet publike. Fushat e domosdoshme janë shënuar me një *