Ekonomi

Më shumë pasagjerë dhe mallra gjatë Majit, transporti ajror me rritjen më të lartë

0

Të dhënat më të fundit të Institutit të Statistikave mbi statistikat e transportit tregojnë se në muajin Maj të këtij viti shihet një rritje e numrit të fluturimeve me 7.3 herë krahasuar me një vit më parë. Sa i përket transportit të pasagjerëve, sipas të dhënave është rritur numri i pasagjereve si në rrugë detare po ashtu edhe në rruge ajrore. Në Maj 2021, numri i pasagjerëve që kanë udhëtuar me linjë detare është 36 mijë e 406 pasagjerë, ndërsa i atyre që kanë udhëtuar me linja ajrore, është 152 mijë e 842 pasagjerë. Krahasuar me Majin e vitit 2020, këto tregues janë rritur me 6.2 herë dhe 21.9 herë respektivisht. Transporti i pasagjerëvë me hekurudhë për muajin Maj të këtij viti ka regjistruar 643 pasagjerë ndërkohë që në majin e një viti më parë regjistronte 0 pasagjerë. Sidoqoftë baza e transportit të pasagjerëve mbetet ajëri i cili zë dhe 80.5% të transportit gjithsej.

Referuar po këtyre të dhënave shohim se gjatë muajit Maj të vitit 2021 është rritur volumi i mallrave të transportuara me hekururdhë dhe nëpërmjet ajrit, dhe gjithashtu është rritur edhe volumi i mallrave të transportuara në rruge detare. Rritja e volumit të mallrave të ngarkuara apo shkarkuara në porte shënohet 11.5%, duke arritur në 401 mijë ton. Volumi i mallrave të transportuara me hekurudhë është 2.495 ton për kilometër, duke u rritur me 3.6 herë, krahasuar me muajin Maj të vitit 2020. Rritje ka shënuar dhe transporti më rrugë ajrore me rreth 51.3% e cila është dhe rritja më e madhe. Në terma pesëmujorë, kemi një rritje të përgjithshmë të të gjithë treguesve. Transporti në rrugë ajrore është rritur me 11.9%, ai në rrugë detare ka rritje me 16.7% dhe transporti hekurudhor ka rritje me 28.3%.

Gjatë majit të vitit 2021, mallrat e eksportuara me det zënë 52.2% me rrugë 39,8% dhe me ajër 0,3%. Mallrat e eksportuara me rrugë në Maj 2021 janë rritur me 24,6%, krahasuar me Maj 2020, ndërsa mallrat e importuara me rrugë në Maj 2021 anë rritur me 39,4%, krahasuar me Majin e 2020-ës.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Pesha e secilit qark në ekonomi/ – Tirana, Durrësi dhe Fieri, “monopol” në thuajse çdo sektor, Kukësi, “delja e zezë”

Postimi mëparshëm

Kredia për shtëpi prek rekord historik/ 2.2 mld lekë gjatë majit për individët, si asnjëherë më parë

Postimi vijues

Comments

Comments are closed.