EkonomiRaporte

Pagat u rritën 5 herë më pak se në rajon, – Raporti i Institutit të Vienës për 2020-ën, rritja reale në vendin tonë, 0.8%. Në rajon, 4%

0

Pagat reale në Shqipëri gjatë 2020-ës, pra vitit të pandemisë, janë rritur me një normë prej 0.8%. Rritja reale e pagave mat rritjEn e pagave të zhveshur nga efekti i inflacionit. Të dhënat janë bërë publike nga Instituti i Vienës në raportin më të fundit për rajonin e gjerë, atë të Europës qendrore, lindore dhe juglindore. Por ndërkohë që pagat reale në Shqipëri janë rritur me 0.8% gjatë 2020-ës, me sa janë rritur në rajon? Me plot 4%, thotë Instituti i Vienës në këtë raport. Kjo do të thotë se, rritja e pagave në Shqipëri ka qënë jo vetëm 5 herë më e ulët se në rajon, por e vendos vendin tonë në vendin e 4-tët nga fundi, me një performancë më të mirë vetëm se Çekia, Kosova dhe Turqia. Në Kosovë, Instituti i Vienës vlerëson se, pagat reale gjatë 2020-ës kanë rënë me 2.5%. Kosova dhe Turqia janë dy shtetet e vetme në rajonin e gjerë të cilat vlerësohen me rënie të pagave gjatë vitit të pandemisë.

Për vende të tjera të rajonit ndërkohë, si Serbia, rritja reale e pagave gjatë vitit në fjalë fiksohet në 7.7%. Ndërkohë, në vend të parë në rajon për rritjen më të madhe reale të pagave gjatë 2020-ës, qëndron Lituania, me një normë pranë 9%. Nga krahu i kundër i tabelës ndërkohë, gjejmë Turqinë, me një rënie në masën 8.5%.

Sa i përket rritjes së pagave sipas sektorëve, Instituti i Vienës nënvizon se për të gjithë rajonin, rritja më e madhe është regjistruar në shëndetësi, ndjekur nga sektori i komunikimit dhe edukimi. Në shëndetësi, rritja fiksohet mbi 12%. Sektori i vetëm me rënie të pagave reale gjatë 2020-ës në rajon ndërkohë, vlerësohet ai i akomodimit dhe restoranteve, ku pagat kanë rënë me 3.9%.

Klikoni kutu per raportin e plotë

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Shqipëri vs Gjermani, si ndryshojnë çmimet? Produktet e bulmetit dhe pijet alkoolike i paguajmë më shtrenjtë

Postimi mëparshëm

7 koncesionet e planifikuara për 2022-shin/ “Kolaudimi” do t`i rikthehet privatit, do firmoset “Milot-Fier”, edhe siguria rrugore dhe lagjet e Elbasanit me koncesion

Postimi vijues

Comments

Comments are closed.