Ekonomi

IHÇK në 2.4% gjatë majit, çmimet rriten mbi mesataren e Bashkimit Europian

0

Indeksi i Harmonizuar i Çmimeve të Konsumit (IHÇK) gjatë muajit Maj regjistrohet në 2.4%, thonë shifrat më të fundit nga Instituti i Statistikave ku në krahasim me muajin Prill shihet të ketë një rritje me 0.3 pikë përqindje. Gjatë muajit Prill të vitit aktual ky tregues regjistrohej në vlerën 2.1%. Të dhënat tregojnë se në Bashkimin Europian gjatë majit të vitit 2021 kjo normë fiksohet pranë 2.3% dhe vendi ynë renditet i 15-ti në klasifikimin mes vendeve të tjera të Europës.

Gjatë majit rritja më e madhe e çmimeve prej 4,8% vërehet në grupin “Transporti”, pasuar nga grupet “Ushqime dhe pije joalkoolike” me 3,8 %, “Komunikimi” me 3,3%, “Pije alkoolike dhe duhan” me 2,2%. Grupet “Mobilim, pajisje shtëpie dhe mirëmbajtje” si dhe “Argëtim dhe kulturë” kanë rritje të njejtë me 1,2 %. “Shëndeti” shënon një rritje me 1,1%, “Hotele, kafene dhe restorante” me 1,0 %, “Mallra dhe shërbime të ndryshme” me 0,8%, “Veshje dhe këpucë” me 0,6 % dhe “Qira, ujë, lëndë djegëse dhe energji” me 0,4%.

Në muajin Maj 2021, ndryshimi mujor i matur nga Indeksi i Harmonizuar i Çmimeve të Konsumit është -0,7%. Ky ndryshim është ndikuar kryesisht nga ulja e çmimeve të grupit “Ushqime dhe pije joalkoolike” me 2,0%, pasuar nga grupet “Pije alkoolike dhe duhan” dhe “Argëtim dhe kulturë”me 0,1% secili.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Turizmi vazhdon të jetë në krizë. “Sektori” pëson rënie në të gjithë treguesit gjatë T1 2021

Postimi mëparshëm

Konsumi, sa afër europianëve janë shqiptarët? Eurostat për 2020, konsumojnë sa 40% e qytetarëve të BE-së, të fundit në kontinent

Postimi vijues

Comments

Comments are closed.