Ekonomi

Çmimet u rritën më pak se në Europë, – Në Shqipëri, inflacioni në 2.6%, ndërsa në BE, 3.6%

0

Metodologjia e Eurostat sinjalizon një normë inflacioni në 2.6% gjatë muajit shtator të vitit 2021 në vendin tonë, ndërkohë që Istituti i Statistikave e raporton këtë normë për të njejtin muaj në 2.5%. Të dhënat e Instat, mbi Indeksin e Harmonizuar të Çmimeve të Konsumit për muajin shtator tregojnë se çmimet në vendin tonë janë rritur me një ritëm më të ulët se mesatarja e Bashkimit Europian. Shifrat tregojnë se gjatë shtatorit, në Bashkimin Europian, kjo normë fiksohet në 3.6% dhe vendi ynë renditet i 25-i në klasifikimin mes vendeve të tjera të Europës. Gjatë muajit gusht të vitit aktual, ky tregues regjistrohej në 2.7%. Danimarka, Finalnda, Greqia, Portugalia, Malta dhe Zvicra janë të vetmet vende europiane ku çmimet gjatë shtatorit janë rritur me një hap më të ngadaltë.

Rritja më e madhe e çmimeve, prej 4,7 % vërehet në grupin “Ushqime dhe pije joalkoolike”, pasuar nga grupet “Komunikimi”, me 2,9%, “Transporti” dhe “Hotele, kafene dhe restorante” me 2,4% secili, “ Argëtim dhe Kulturë” me 1.7%, “Pije alkoolike dhe duhan”, 1.2%, “Veshje dhe Këpucë” dhe “Qira, ujë, lëndë djegëse dhe energji” me nga 1.1% secili. Sa i përket grupit “Shëndetësi”, rritja shënohet me 0.9%. Nga ana tjetër çmimet e grupit “Mallra dhe shërbime të ndryshme” u ulën me 0,4 %.

Në muajin Shtator 2021, ndryshimi mujor i matur nga Indeksi i Harmonizuar i Çmimeve të Konsumit është 0,5 %. Ky ndryshim është ndikuar kryesisht nga rritja e çmimeve të grupit “Ushqime dhe pije joalkoolike”, me 1.1 %, pasuar nga grupi “Veshje dhe Këpucë” me 0,8 %, “Argëtim dhe Kulturë” me 0.7%, “Qira, ujë, lëndë djegëse dhe energji” dhe “Shërbim arsimor” me nga 0,2 % secili. Nga ana tjetër çmimet e grupit “Shëndeti” janë rritur me 0,3%, pasuar nga “Mallra dhe shërbime të ndryshme” me 0,1%.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Qeveria mori 150 mln euro të paplanifikuara! Vetëm nga të ardhurat tatimore deri në shtator, falë sigurimeve shoqërore dhe TVSH

Postimi mëparshëm

Shqipëri vs Gjermani, si ndryshojnë çmimet? Produktet e bulmetit dhe pijet alkoolike i paguajmë më shtrenjtë

Postimi vijues

Comments

Comments are closed.