Ekonomi

Pandemia, më pak e dëmshme për “Nënë Terezën”. Rënia e tretë më e ulët në Europë në numër të fluturimesh gjatë krizës

0

Me një mesatare rënie mujore vjetore, pra karahasuar me një vit më parë, Shqipëria rezulton të jetë vendi me humbjet e treta më të ulta në Europë transportin ajror gjatë muajve të pandemisë. Të dhënat e Eurostat janë analizuar nga “Scan” për të zbuluar se sa është mesatarja mujore e rënies së numrit të fluturimeve në aeroportin “Nënë Tereza” gjatë periudhës mars-tetor të këtij viti. Të dhënat sinjalizojnë se mesatarja mujore e rënies fiksohet në 59.59%. Periudha prill-maj ndërkohë regjistron rekordin më negativ në vendin tonë, me një normë rënie krahasuar me të njëjtën periudhë të vitit paraardhës, në mbi 90%. Gjatë korrikut dhe gushtit ndërkohë, norma e rënies ka pasur tendencën të zbutet ndjeshëm, për të zbritur sërish më vonë me ardhjen e muajve të vjeshtës.

Sipas Eurostat, në muajin tetor të këtij viti, aeroporti “Nënë Tereza” ka regjistruar 43% më pak fluturime ajrore se sa tetori i vitit 2019. Ndërkohë, mesatarja mujore e rënies, prej 59.6% na vendos në pozita mjaft të mira në Europë, më keq vetëm se Norvegjia dhe Luksmeburgu. Të gjitha vendet e tjera të Europës regjistrojnë shifra rënie ndjeshëm më të larta, deri në -76% në rastin e Çekisë. Mesatarja e Bashkimit Europian ndërkohë fiksohet në -68% rënie mujore. Vendet e rajonit, si Serbia, Mali i Zi apo Maqedonia e Veriut regjistriojnë shifra më negative se vendi ynë. Në këtë renditje, Shqipëria përfaqësohet me aeroportin e vetëm, atë “Nënë Tereza”.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Masat shtrënguese, ku renditet Shqipëria? Të 36-tët në botë! Mes 2 dhe 11 nëntorit, kemi shijuar “lirinë” maksimale

Postimi mëparshëm

Tiranasit dhe vlonjatët, më të pasurit! Deri në 3500 euro depozita për frymë, Lezha në vend të fundit

Postimi vijues

Comments

Leave a reply

Adresa juaj email s’do të bëhet publike. Fushat e domosdoshme janë shënuar me një *