Financë

Marsi “tkurr” depozitat e shqiptarëve/ Bien për të dytin muaj me radhë, por vetëm në lek, rritje e ndjeshme për ato në euro

0

Depozitat në sektorin bankar janë regjistriar në rënie për të dytin muaj me radhë gjatë marsit, tregojnë shifrat zyrtare nga Banka e Shqipërisë, të përpunuara dhe analizuara nga “Scan Intelligence Unit”. Këto të dhëna tregojnë kështu se, totali i depozitave në paranë e gjerë gjatë marsit fiksohet në 1.227 trilionë lekë, nga 1.229 trilionë lekë që ishin në muajin shkurt, apo 1.234 trilionë lekë në muajin janar të këtij viti, kur edhe u arrit rekordi historik. Që prej muajit gusht të vitit 2020, vetëm 3 herë, depozitat janë regjistruar në rënie, për herë të parë në nëntor të vitit të kaluar, kur nisën edhe sinjalet e para të krizës së çmimeve, më pas në shkurt të këtij viti, dhe tanimë edhe në mars. Tkurrja e depozitave gjatë marsit, krahasuar me shkurtin fiksohet në 0.15% në terma nominalë dhe në rreth 1.8 miliardë lekë në terma absolutë, çka përkthehet në rreth 15 milionë euro.

Shifrat zyrtare tregojnë gjithashtu se, totali i depozitave në paranë e gjerë në lekë ka rënë nga 547 miliardë lekë në shkurt të këtij viti, në 541 miliardë lekë në muajin mars. Me 1.1% rënie mujore të depozitave në lekë, marsi regjistron kështu rënien më të madhe që prej gushtit të vitit 2019. Ndërkohë, krejt e kundërta ka ndodhur me depozitat në valutë, të cilat janë rritur në 685 mld lekë, nga 681 mld lekë që ishin në muajin paraardhës. Madje, sasia e depozitave të reja në euro gjatë marsit ka prekur shuifrën e dytë më të lartë ndonjëherë, me rreth 1.2 miliardë euro të depozituara në sektorin bankar të vendit tonë vetëm gjatë marsit.

*Material i përgatitur nga SCAN INTEL. Ripublikimi mund të bëhet vetëm kundrejt citimit të autorësisë dhe burimit origjinal.

Krizë?! Rekord kredie për blerje banese në mars, 4.9 miliardë lekë, si asnjëherë më parë

Postimi mëparshëm

60% e familjeve jetojnë me vetëm 327 euro në muaj/ Të ardhurat mujore të 20% më të pasur, 1555 euro në muaj

Postimi vijues

Comments

Comments are closed.