FinancëRaporte

Ekskluzive/ Raporti vjetor i Moody`s për Shqipërinë. – “Një pjesë e madhe e borxhit, me maturim afat-shkurtër, sjell nevoja të mëdha për financim”

0

Agjencia e vlerësimit të kreditit, Moody`s ka publikuar raportin vjetor për Shqipërinë, të siguruar ekskluzivisht nga “Scan Intelligence Unit”. Krahasuar me raportin e kaluar, atë shoqërues të vendimit për të mbajtur të pandryshuar në B1 me perspektivë të qendrueshme notën e borxhit sovran të Shqipërisë, projeksionet nuk kanë ndryshuar, dhe flasin për një rritje ekonomike pranë 4.8% këtë vit dhe 4.2% vitin e ardhshëm. “Profili i kreditit të Shqipërisë mbetet i kufizuar nga sfidat strukturore ekonomike të vazhdueshme, përshirë bazën e ngushtë të eksporteve dhe mjedisin ende të dobët të investimeve, pavarësisht progresit me reformat”-thotë gjigandi i vlerësimit të kreditit, duke shtuar se: “Profili i kreditit të Shqipërisë është i ndjeshëm ndaj tronditjeve të jashtme, duke pasur parasysh shkallën e ulët të diversifikim të ekonomisë dhe varësisë ndaj bujqësisë dhe energjisë hidrike”. Sa i përket financave publike, raporti vjetor i Moody`s thotë se, pavarësisht përmirësimit të strukturës së borxhit të brendshëm të qeverisë, një masë e konsiderueshme ka maturitet afat-shkurtër, çka përkthehet në nevoja të mëdha për financim të lartë. Ndër të tjera, qeveria mbetet gjithashtu e varur nga sektori bankar për të plotësuar nevojat e saj për financim.
Sa i përket pikave të forta të Shqipërisë në aspektin fiskal, Moody`s nënvizon progresin gradual me reformat strukturore dhe institucionale në kuadër të përpjekjes për t`u bërë pjesë e Bashkimit Europian, dhe veçanërisht ato të depolitizimit të administratës publike, ajo e drejtësisë si dhe rritja e përpjekjeve për të luftuar korrupsionin. “Hapja formale e negociatave me BE do të mbështesë përmirësime të mëtejshme institucionale”-shton agjencia.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

Paga mesatare rritet me 5.2 % në T1 2021, ajo bruto arrin në 56 mijë lekë në muaj

Postimi mëparshëm

Bashkia Lezhë dhe Kamëz me rënien më të madhe të të ardhurave gjatë pandemisë, Mallakastra dhe Vora për shpenzimet

Postimi vijues

Comments

Comments are closed.