Financë

36% e pagamarrësve, me pagë minimale. 251 mijë individë paguhen me 30 mijë lekë në muaj, shërbimet dhe tregtia zënë peshën më të madhe

0

Pak më shumë se 1/3 e pagamarrësve në Shqipëri, paguhen me pagë minimale, tregojnë të dhënat zyrtare nga Drejtoria e Përgjithshme e Tatimeve, për “Scan Intelligence Unit”. Më saktësisht, deri më 30 shtator të vitit të kaluar, si periudha e fundit tatimore e mbyllur, individët që paguajnë kontribute për një pagë mes 26 mijë- 30 mijë lekë në muaj janë 251,531. Në total, Shqipëria numëron rreth 686 mijë pagamarrës, çka do të thotë se, 36% e tyre paguhen me pagë minimale. Kujtojmë se, paga minimale ka ndryshuar me ligj në 30 mijë lekë prej datës 1 janar të këtij viti.

Po në cilët sektorë janë të shpërndarë më së shumti pagamarrësisht me pagë minimale? Po duke i`u referuar të dhënave të Drejtorisë së Përgjithshme të Tatimeve, të siguruara nga “Scan intelligence Unit”, rezulton se sektori që mban peshën më të madhe është ai i shërbimeve, që zë 39% të totalit, i ndjekur nga tregtia me 29% të totalit, dhe më pas nga prodhimi me 20%, ose rreth 51 mijë individë. Sektori i ndërtimit, me vetëm 8%, ose 20 mijë individë dhe ai i transportit me vetëm 4% zënë vendin e fundit, tregojnë të dhënat.

*Material i përgatitur nga SCAN INTELLIGENCE UNIT. Ripublikimi mund të bëhet vetëm kundrejt citimit të autorësisë dhe burimit origjinal.

868 mijë shqiptarë me leje qëndrimi në BE! Shifra në rënie me 4.83% krahasuar me vitin 2014

Postimi mëparshëm

Pandemia redukton veset e shqiptarëve! Shifrat e doganave: Kafja, birra dhe cigaret, rekord minimal importesh gjatë 2020-ës

Postimi vijues

Comments

Leave a reply

Adresa juaj email s’do të bëhet publike. Fushat e domosdoshme janë shënuar me një *